rivendell

ძალიან საინტერესო ამბებია ლატვიაში გემოვნების მხრივ, როგორც მუსიკალური გემოვნების, ისე სხვა რამის გემოვნებებითან.. .

დავიწყოთ მუსიკით. ძალიან ბევრი უსმენს კლუბურ მუსიკას. ჯერ ერთი დისკოთეკებში და მეორეც სახლში. ძალიან ვერ ვერკვევი “ჰაუსებსა” და “ტექნოებში”, მაგრამ ბენი ბენასი გაცილებით უფრო პოპულარულია ვიდრე Deep Purple. სეიძლება ითქვას როკის მსმენელი ძალიან ცოტაა, თუმცა როკერები და გრძელთმიანი როჟები ტიპები ვნახე . შეხვდებით რეპის მოყვარულებს, რომლებიც ჩაჩაჩული შარვლებითა და მობრუნებული ქუდებით დადიან. რეპი უფრო პოპულარულია ვიდრე როკი. ისე აქ დიდი პაპსავიკი ხალხია მაგ მხრივ. ეს შეეხებოდა ლატვიელებს. რუსები სულ სხვა გემონებისანი არიან (რიგაში მეტი რუსი ცხოვრობს ვიდრე ლატვიელი). ისინი ცხადია რუსულ ესტრადას უფრო ეტანებიან, მაგრამ არის ერთი ასეთი ლატვიელი, რუსული წარმოშობის პაპსავიკ-რომანტიკოსი “პეტლურა” (რომლის სიმღერებსაც მალე ავტვირთავ) და რიგის რუსული მოსახლეობის ნაწილი მაგას უსმენს

ჯამში რო ავიღოთ, ამათ მუსიკის არაფერი არ ესმით. დიდი ოპერა კი აქვთ წამოჭიმული ქალაქის ცენტრში, მაგრამ ვისაც ვკითხე, ჯერჯერობით არავინ კლასიკით არ დაინტერესებულა. . .

ძალიან უცნაური გემოვნება აქვთ ბიჭებს. დამრჩა შთაბეჭდილება, რომ ისინი უფრო მეტად იპრანჭებიან, ვიდრე გოგოები (რომელტაც პრინციპში არც სჭირდებათ). ბიჭების დიდი ნაწილი დადის ქერა მელირებული თმებით, ნაირ-ნაირი საყურეებითა და პირსინგებით. ესეც უფრო ლატვიელებს ეხებათ, რუსები კი ძირითადად სხვადასხვა ეგზოტიკური ვარცხნილობებით კმაყოფილდებიან (ეგზოტიკური რა, რასაც დიმა ბილანი იკეთებს, იმას იკეთებს ბიჭების ნახევარი, იმიტომ რომ დიმა ბილანი გოგოებში პოპულარულია).

რელიგიაში დიდი არჩევანია. რიგაში ბევრია როგორც პროტესტანტული (ლატვიელებისატვის), ისე მართლმადიდებლური (რუსებისატვის) ტაძრები. არის აგრეთვე კათოლიკური ტაძრებიც. ერთ რამეს დავაკვირდი: ეკლესიები შედარებით ცოტაა ვიდრე თბილისში, მაგრამ გაცილებით დიდი. სამების საკათედრო ტაძრისხელა არ აქვთ, მაგრამ სიდიდით ბევრითაც არ ჩამოუვარდება თუნდაც წმინდა პეტრეს პროტესტანტული ტაძარი ან რუსული მართლმადიდებლური (სამწუხაროდ ვისი სახელობისაა არ მახსოვს) ტაძარი, რომელიც საკმაოდ ლამაზია.