საიტების მასობრივი დიფეისი აშშ-ში - ახალი ამბები - Publisher

საიტების მასობრივი დიფეისი აშშ-ში

ამერიკული პროვაიდერის Dreamhost-ის ქსელში საიტების მასიური დიფეისი და FTP-ანგარიშების გატეხვები განხორციელდა. ჰოსტინგის ადმინისტრაციის განცხადებით, საერთო ჯამში გატყდა 700-მდე საიტი და 3500 FTP-ანგარიში. აღსანიშნავია, რომ ჰაკერები საკმაოდ უცნაურად მოქმედებდნენ - როგორც წესი, დიფეისში იგულისხმება საიტების მთავარი გვერდის ჩანაცვლება, Dreamhost-ის შემთხვევაში კი ბოროტმოქმედებმა ყველა საიტის მთავარ გვერდზე საკმაოდ შეუმჩნეველ ადგილებზე განათავსეს პორნო-რესურსების ბმულები.პირველად კომპანიას კლიენტებმა 23 მაისს მიაკითხეს მსგავსი საჩივრებით. თუმცა Dreamhost-მა მხოლოდ გუშინ დაიწყო მასიური შეტევის შესახებ ინფორმაციის გავრცელება და აღიარა, რომ ამის მიზეზი კომპანიის სერვერების პროგრამული ბირთვის არასწორი კონფიგურაცია იყო. ოფიციალურ განცხადებაში ნათქვამია, რომ ჯამში Dreamhost ბაზის 20%-ია გატეხილი.

თავდაპირველად, როდესაც Dreamhost-ის კლიენტები მასიურ შეტევაზე ალაპარაკდნენ, კომპანიამ ეს საუბარი სერიოზულად არ აღიქვა. მათთვის პრობლემა რეალური მხოლოდ მას შემდეგ გახდა, რაც Google-მა მიმართვა გაუგზავნა, რომელშიც აღნიშნული იყო, რომ სისტემის ინდექსიდან Dreamhost-ის სერვერებზე განთავსებული 1000-ზე მეტი საიტი წაიშალა დამალული პორნო-ბმულების გამო.

ასევე აღსანიშნავია ისიც, რომ საიტებზე არსებული პორნო-ბმულების უმრავლესობა მიემართებოდა ვებგვერდებისკენ, რომლებიც განთავსებული იყო ატლანტიკური ბაბტისტური ბიბლიური კოლეჯისა და ქრისტიანული რელეგიური კოლეჯის სერვერებზე.

კატეგორია: ახალი ამბები | დაამატა: rivendell (2008-09-30)

ნანახია: 837 | რეიტინგი: 0.0/0 |

სულ კომენტარი: 0

rivendell

საიტის მენიუ

კატალოგის კატეგორია

შესვლის ფორმა

ძებნა

საიტის მეგობრები

მინი-ჩათი

ჩვენი გამოკითხვა

სტატისტიკა