rivendell

კუბის კავშირგაბმულობის მინისტრმა და ფიდელ კასტროს მიმდევარმა რამირო ვალდესმა მხარი დაუჭირა მინისტრთა კაბინეტის ინიციატივას ღია კოდზე გადასვლის შესახებ და საინფორმაციო სისტემებს ”ბრძოლის ველი” უწოდა, სადაც იმპერიალიზმის წინააღმდეგ აპირებენ გალაშქრებას.

”Associated Press”-ის ცნობით, კუბის ხელისუფლების იდეას აქტიური მხარდამჭერი გამოუჩნდა უფასო პროგრამული უზრუნველყოფის ფონდის ხელმძღვანელის, რიჩარდ სროლმანის სახით. იგი თვლის, რომ ფასიანი პროგრამული უზრუნველყოფა სრულიად არ არის უსაფრთხო - რადგან მომხმარებელმა არასოდეს იცის, რა მოათავსა მასში შემქმნელმა. მან ასევე დაამატა, რომ საავტორო უფლებების დარღვევისთვის ადამიანის ციხეში ჩასმა - ეს იგივეა, რაც მისი დევნა კულინარიული რეცეპტების საკუთარი გემოვნებით ჩასწორების მიზეზით.

“Linux”-ზე უკვე გადავიდა კუბის საბაჟო სამსახური; უახლოეს მომავალში კი ღია სისტემებზე გადასვლა კულტურის, განათლებისა და კავშირგაბმულობის სამინისტროებშიც დაიწყება. ამჟამად, სპეციალური დეპარტამენტის ფარგლებში, ინფორმაციულ მეცნიერებათა უნივერსიტეტში ათასზე მეტი სტუდენტი მუშაობს ”Linux”-ის ახალ დისტრიბუტივზე სახელად ”Nova”, იტყობინება “MigNews”.

სავარაუდოდ, სახელმწიფო სამსახურების სრულად გადაყვანა ღია კოდზე უახლოეს სამ წელიწადში უნდა დასრულდეს.